Sherri për kreun e festivalit të Radio televizionit Shqiptar nuk ka të sosur. Pas kritikave dhe ilaritetit që e shoqëroi për gjatë të gjitha ditëve të konkurrimit, tani nis një tjetër sherr.
Është ai mes këngëtarëve. Ka reaguar më në fund Elvana gjata. Për interpretimin e së cilës u fol shumë. Motivet por edhe skenografia, thuajse e prerë për Eurovizion, i kanë mbushur mendjen Elvanës që mund të ishte fituese që pa nisur gara.
Por juria ka menduar ndryshe. Jo performancë dhe muzikën me bazë folkun, por një zë i plotë, një muzikë e lehtë dhe një interpretim brilant i këngëtares së re dhe të talentuar Arilena Ara.
Në fakt, Elvana nuk është kundër Arilenës. Por është kundër mosfitimit të çmimit të parë. Më saktë kundër gjithë atyre që nuk i dhanë pikët. Reagimin e ka bërë në Istagram. Me anë të një statusi të gjatë. Ajo ka përcjell edhe gjendjen në të cilën ndodhet momentalisht.
Thuajse e lumtur pas gjithë atij vlerësimi që ka marrë nga fansat në të gjithë Europën.
“Refuzoj të flas për këto raste. Por tani më duhet ta bëj. Arilena, nuk është faji yt dhe të uroj me gjithë zemër vetëm sukses.
Dua të falënderoj gjithë fansat shqiptarë dhe ata europianë. Kam parë të gjitha sondazhet. Ju kam parë të këndoni dhe kërceni këngën me sytë mi.
Ju kam dëgjuar kur thërrisni emrin tim plot zjarr në festivale në Diasporë dhe Kosovë.
Kam punuar fort e do punoj deri sa të kem frymë. Puna s`më ka hedhur poshtë kurrë as balta e helmi, me apo pa porosi”- është shprehur ajo ndër të tjera.
Ndërsa Arilena Ara përgatitet për skenën e madhe të Eurosong, skenë ku në fakt pak vlerësohet muzika dhe kënga, sherret për festivalin e 58 duket që s’do të ndalojnë. /Fjala.al/
