Sulmuesi i “Shanghai Sipg” në kampionatin kinez, Hulk, është bërë pjesë e një skandali i cili ka bërë shumë bujë. Ai është ndarë nga partnerja e tij, Iran Angelo de Souza, pasi ka nisur një lidhje me mbesën e partneres së tij, e cila quhet Camila.
Ai ka patur një lidhje prej 12 vitesh me ish-partneren e tij, ku kanë patur edhe 3 fëmijë. Ata kishin planifikuar të martoheshin këtë vit, por në muajin gusht janë ndarë.
Mes tyre ka hyrë mbesa e Iran, Camila, e cila është bërë shkak për ndarjen e Hulk me nënën e tre fëmijëve të tij.
Hulk e ka konfirmuar lidhjen me Camilan pasi të shtunën e kaluar ka telefonuar prindërit e vajzës, për t’iu bërë të ditur se është në një lidhje dashurie me Camilan.
Një çështje kjo që ka krijuar një skandal të vërtetë në Brazil, me kritikat që janë të gjitha për ish-sulmuesin e Portos dhe Zenitit./Fjala.al/
