Zbardhet një tjetër vendim i Këshillit të Ministrave, i cili u miratua gjatë mbledhjes së sotme të qeverisë.
Qeveria ka miratuar bursën prej 150 mijë lekësh për nxënësit e shkollave të arsimit parauniversitar dhe arsimin e mesëm profesional në institucionet arsimore publike, të cilët kanë humbur familjarët në tërmetin shkatërrues të 26 nëntorit në qarqet e Durrësit, Tiranës dhe Lezhës.
“Fjalia e parë, e pikës 31.1, ndryshohet, si më poshtë vijon:
“31.1. Përfitojnë bursë në masën 15 000 (pesëmbëdhjetë mijë) lekë në muaj nxënësit, të cilët ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën ose janë shpallur të zhdukur në qarqet Durrës, Tiranë dhe Lezhë, si pasojë e tërmetit të datës 26.11.2019”, citohet në vendimin e qeverisë.
Ndërkohë ditën e sotme janë marrë edhe një sërë vendimesh të tjera, si shpërblimi i fundvitit për pensionistët, zgjatja e pushimeve për të gjithë institucionet e administratës shtetërore në vend dhe shumë të tjera.
