Shtogu është një nga bimët më të lashta e cila përdoret si kurë mjekësore, që trajton dhe shëron shumë probleme shëndetësore. Recetat e para mjekësore ku është përdorur shtogu janë zbuluar që në kohët e Egjiptit të lashtë.
Por shumë historianë kanë rënë në gjurmët e aftësive shëruese të shtogut, që në kohën e Hipokratit, babait të mjekësisë.
Sipas Hipokratit, shtogu ishte një thesar i mirëfilltë falë aftësive për të shëruar një sërë problemesh mjekësore. Të gjitha qytetërimet e lashta kanë pasur të drejtë për përdorimet e shtogut si një prej barishteve më të fuqishme kundër virozave.
Vlerat shëndetësore të shtogut përfshijnë: shërimin e të ftohtit, virozave, sinozitit, dhimbjeve nervore, inflamacionit, lodhjes kronike, alergjive dhe konstipacionit.
Nëse shtogu përdoret brenda 48 orëve të para të simptomave, atëherë ekstrakti i tij arrin të shkurtojë ndjeshëm kohëzgjatjen e gripit. Por nuk mbaron me kaq.
Nëse flasim për fuqinë e antioksidantëve që përmban shtogu, atëherë duhet të dini se kjo bimë përmban më shumë flavonoidë se boronicat, manat goxhi, boronicat e kuqe dhe manaferrat./Fjala.al/
