Institucioni i Presidentit të Republikës ka shpallur ditën e sotme listën me emrat e aplikantëve për vendin vakant në Gjykatën Kushtetuese, pas shkarkimit të gjyqtarit Besnik Muçi nga Kolegji i Posaçëm i Apelimit.
Lista me 10 kandidatët që kanë aplikuar do ti kalojë Këshillit të Emërimeve në Drejtësi, nga ku do të bëhet vlerësimi dhe verifikimi për secilin.
Institucioni i Presidentit të Republikës, njofton se:
Pas përfundimit të afatit të aplikimit për vendin vakant gjyqtar në Gjykatën Kushtetuese, “Vakancë e parakohshme”, e krijuar për shkak të përfundimit përpara kohe të mandatit të ish-gjyqtarit, zotit Besnik Muçi, procedurë kjo e rishpallur me Dekretin nr. 11364, datë 22.11.2019, të Presidentit të Republikës, rezulton se kanë aplikuar shtetasit e mëposhtëm: 1. Altin Binaj, 2. Artan Spahiu, 3. Dedë Kasneci, 4. Eugen Papandile, 5. Gentian Mete, 6. Sergjio Mazreku, 7. Sinan Tafaj, 8. Sonila Bejtja, 9. Shaqir Hasanaj, 10. Zhaklina Peto.
Lista me aplikantët e mësipërm, së bashku me dokumentacionin e dorëzuar do të përcillen menjëherë pranë Këshillit të Emërimeve në Drejtësi për verifikim dhe vlerësim sipas ligjit./Fjala.al
