Mesfushori i Barcelonës, Arturo Vidal është një nga lojtarët për të cilin klubi italian i Inter është më shumë i interesuar në merkaton e dimrit.
Trajneri Antonio Conte dëshiron që ta ketë pjesë të skuadrës së tij Vidal dhe ndaj po mundohet të gjejë çdo mënyrë negocimi për të arritur finalizimin e një kontrate me katalanasit.
Vidal ka bashkëpunuar me Conten në kohën kur tekniku drejtonte Juventusin dhe siç duket menaxheri dëshiron që tashmë ta ketë mesfushorin pjesë të zikaltërve.
Në një komunikim me mediet, Arturo Vidal ka thënë se më këto çështje merret agjenti i tij dhe ka shtuar se është i lumtur te Bracelonba.
“Për të ardhmen time merret agjenti im, megjithatë unë jam i lumtur te Barcelona. Kur të kthehem nga Krishtlindjet do të vendosim.
Tani dua të jem me familjen time, dhe më pas do të vendos për sa i përket të ardhmes. Nuk më takon mua të them nëse duhet të luaj apo jo, pasi atë e vendos trajneri. Shpresoj që të fitoj të gjitha trofetë këtë sezon.”-deklaroi mesfushori.
Klubi i Inter është i gatshëm të paguajë 12 milionë euro për të marrë në radhët e tij këtë lojtar, ndërkohë Barcelona nga ana tjetër nuk pranon që ta shesë Vidal për një shifër më të ulët se 30 milionë euro./Përgatiti: Fjala.al/
