Lulzim Basha, ka uruar të gjithë besimtarët për festën e Krishtlindjes. Tek statusin e tij në “Facebook”, Kryetari i Partisë Demokratike, e ka veçuar urimin e tij për familjet e prekura nga tërmeti i 26 nëntorit.
Basha, krahas shkrimit në rrjetin social, ka shpërndarë edhe një kartolinë urimi me mbishkrimin: Gëzuar Krishtlindjen! Ardhtë kjo festë e bardhë, plot shpresë e lumturi! Zoti e bekoftë Shqipërinë dhe shqiptarët!” – thuhet në kartolinë.
Postimi i Lulzim Bashës:
Urimi i kryetarit Basha për Krishtlindje Të dashur motra dhe vëllezër besimtarë të krishterë, në vigjilje të Krishtlindjes ju uroj nga zemra: Për shumë vjet gëzuar!
Një lutje dhe urim të veçantë kam për të gjithë bashkëqytetarët e prekur nga tërmeti i 26 nëntorit. Ardhtë kjo Natë e Shenjtë plot shpresë dhe bekim për një të nesërme më të mirë. Dua të falënderoj dhe uroj në këtë natë besimtarët dhe shërbëtorët e Zotit, që me përkushtimin e tyre ndihmojnë për lehtësimin e dhimbjeve dhe vuajtjeve, duke e kthyer shtëpinë e Zotit në strehë për çdo shqiptar në nevojë.
Uroj nga zemra të gjithë shqiptarët, kudo ku janë, Zoti e ndriçoftë rrugën drejt begatisë dhe bashkimit tonë si një familje e madhe për të mirën dhe mbarësinë e çdo shqiptari. Për shumë vjet Gëzuar Krishtlindjen! Zoti e bekoftë Shqipërinë!
