Tirana do të ketë 5 lagje të reja. Iniciativa do të nisi përgjatë vitit 2020, sipas një plani të mirëfilltë dhe me infrastrukturën e posaçme.
Kryetari i Bashkisë së Tiranës, Erjon Veliaj, duke folur për emisionin “Ora e Tiranës”, ka treguar se ky është plani i Bashkisë, përveç rindërtimit të pasojave të tërmetit dhe ndërtimit të shkollave dhe çerdheve të reja.
Por Veliaj shprehet me entuziazëm për investimet në njohuri, dhe këtu i referohet Piramidës, e cila do të shndërrohet në qendër të dijes në fushën e teknologjisë.
Veliaj ka folur edhe për një pikë të nxehtë që ka ngjallur shumë debate e protesta, ndërtimi i Teatrit të ri në vitin 2020.
Ndërkohë që “Bulevardi Zogu i Parë” është projekti që ka nisur dhe përfundon në vitin 2020, i transformuar edhe në koncept për ta kthyer atë në hapësirën më të madhe për këmbësorët./Fjala.al/
