UEFA ka publikuar një klasifikim të veçantë të klubeve që kanë marrë më shumë pjesë në Ligën e Kampionëve, duke i numëruar që nga edicioni i parë i këtij kampionati në vitin 1995.
Ndonëse po të shikosh gjendjen e klubit të Tiranës kuptohet se ka shumë vend për përmirësim dhe është shumë larg emrit të skuadrës më të mirë shqiptare, në këtë renditje bardheblutë mbajnë vendin e parë nga ekipet shqiptare të renditura në këtë klasifikim.
Sipas llogaritjeve të UEFA-s rezulton se kryeqytetasit renditen në vendin e 147-të nga të gjitha klubit e futbollit në botë që kanë luajtur në Champions League.
Duhet theksuar se ky është vendi më i lart që merr një skuadër shqiptare, ndërsa po të vëzhgosh më poshtë ndodhen emra të mëdha si Parma, Leicester apo dhe Sampdoria.
Në vend të dytë nga klubet shqiptare qëndron ai i Skënderbeut, i cili është renditur i 165-ti në këtë klasifikim.
Kampion në fuqi të Superligës shqiptare, ekipi i Partizanit ndodhet më poshtë në vendin e 191.
Me diferencë të madhe në klasifikimin e UEFA-s janë përshirë edhe klubi i Vllaznisë në vendin e 273, Dinamo 276, Kukësi 294, Flamurtari 364 dhe Elbasani në të 404.
Përsa i përket kreu të kësaj liste, s’kishte si të ndodhte ndryshe në vendin e parë të UEFA-s qëndron Real Madrid i ndjekur nga Bayern Munchin dhe më pas nga Barcelona./Përgatiti: Fjala.al/
