Pasditen e sotme, një peshkatar ka gjetur një trup të dekompozuar në grykëderdhjen e lumit Ishëm, në brigjet e Adriatikut. Policia njofton se, trupi i përket seksit mashkull, por ende nuk është indetifikuar.
Grupi hetimor po vijon hetimet për indetifikimin dhe zbulimin e plotë të ngjarjes, e cila deri tani ka shumë pak të dhëna dhe prova për konkretizimin e saj.
Njoftimi i policisë:
“Më datë 25.12.2019, në orët e pasdites, në grykëderdhjen e lumit Ishem, Kurbin, një peshkatar ka konstatuar një trup të pajetë, të seksit mashkull dhe ka lajmëruar Policinë Kufitare të cilët menjëherë kanë shkuar në vendgjarje.
Kufoma është transportuar në morgun e spitalit për ekspertizë mjeko-ligjore. Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes./Fjala.al/
