Një shtetas shqiptar, i cili ishte në kërkim ndërkombëtar është arrestuar ditën e sotme nga “Sektori për Shërbimet e Specializiuara Policore në DVP Fier”, në bashkëpunim me “Sektorin për Hetimin e Narkotikëve dhe Trafiqeve të Paligjshme” dhe gjithashtu “Interpol Tirana”.
Bëhet fjalë për Mario Mamani, 51 vjeç, banues në qytetin e Fierit, ai akuzohet për “Shfrytëzim prostitucioni”, “Trafik narkotikësh”dhe “Grup i strukturuar kriminal”.
Në njoftimin e Policisë së Shtetit për këtë rast thuej se: “Një tjetër person në kërkim ndërkombëtar bie në prangat e Policisë. Arrestohet një shtetas shqiptar i dënuar nga Gjykata e Xhenovas, Itali, me 15 vite burgim.
Nga Sektori për Shërbimet e Specializiara Policore në DVP Fier, në bashkëpunim me Sektorin për Hetimin e Narkotikëve dhe Trafiqeve të Paligjshme dhe Interpol Tirana, në bazë të informacioneve të mara në rrugë operative dhe një punë të mirëorganizuar, arrestuan shtetasin shqiptar të shpallur në kërkim ndërkombëtar: Mario Mamani, 51 vjeç, banues në Fier.
Arrestimi për këtë shtetas u krye me qëllim ekstradimi drejt Italisë, pasi Gjykata e Xhenovas/Itali e ka dënuar atë me 15 vite burgim për veprat penale “Shfrytëzim prostitucioni”, “Trafik narkotikësh”dhe “Grup i strukturuar kriminal”.
Materialet i kaluan “Prokurorisë” pranë “Gjykatës së Shkallës së Parë Fier’ për veprime të mëtejshme proceduriale”./Fjala.al/
