Policia e Krujës ka vendosur në pranga një 48-vjeçar pasi akuzohet për dhunë në familje.
Shtetasi me inicialet A. E., banues në Larushkë të Krujës, ka tentuar të vrasë bashkëshorten me levë hekuri.
Por, policia është njoftuar për ngjarjen dhe ka ndërhyrë në kohë, duke parandaluar krimin brenda familjes.
Njoftimi i policisë: Parandalohet përshkallëzimi i dhunës në familje, arrestohet në flagrancë një 48-vjeçar.
Specialistët për hetimin e krimeve në Komisariatin e Policisë Krujë, menjëherë pas njoftimit të marrë për një shtetas që kërcënonte bashkëshorten me një levë hekuri, kanë ndërhyrë duke arrestuar në flagrancë shtetasin A. E., 48 vjeç, banues në Larushkë, Krujë, për veprën penale “Dhuna në familje”.
