Këshilli i Lartë i Prokurorisë ka zhvilluar zgjedhjet për postin për drejtues të prokurorisë së Kukësit.
Në mbledhjen e zhvilluar disa minuta më parë, pas shqyrtimit të kandidaturave të propozuara nga Komisioni i Karrierës në Këshill ka zgjedhur edhe prokurorin që do të drejtojë prokurorinë e qytetit verilindor.
KLP ka shqyrtuar kandidaturat e Edmond Kariqit, Fahrije Vatës dhe Rita Gjatit. Midis këtyre tri kandidaturave Këshillimi i Lartë i Prokurorisë ka zgjedhur me 6 vota pro ( Bazaj, Balla, Seiti, Cani, Esmeralda Cami, Beluri) prokuroren Rita Gjati drejtuese të prokurorisëë pranë Shkallës së Parë, Kukës me caktim të përkohshëm 3- mujor.
Më pas KLP ka miratuar me 6 vota pro ( Ibrahimi, Seiti, Balla, Esmeralda Cami) projekt akti “Për caktimin e përkohshëm të Kreshnik Ajazit në pozicionin e drejtuesit të Prokurorisë pranë Gjykatës së Shkallës së Parë Elbasan”.
Gjithashtu, janë miratuar me 10 vota pro Violeta Shkurta në pozicionin e drejtuesit të Prokurorisë së Shkallës së Parë Fier dhe Arben Dyla në pozicionin e drejtuesit të Prokurorisë së Shkallës së Parë Lushnjë.
KLP ka miratuar me 9 vota pro (kundër Besnik Cani), projekt aktin për caktimin e përkohshëm të Françesk Ganaj, aktualisht prokuror në Lezhë, në pozicionin të drejtuesit të Prokurorisë pranë Gjykatës së Shkallës së Parë Pukë. /Fjala.al/
