Klubi i Partizanit do të ketë së shpejti një stadium të ri dhe mësohet se ndërtimet për shtëpinë e re të “Demave” janë duke vazhduar intensivisht.
Ky lajm është bërë me dije nga vetë skuadra, e cila me anë të një postimi në faqen zyrtare në “Facebook” ka publikuar foto të stadiumit që është duke u ngritur.
Në njoftimin e kryeqytetasve bëhet me dije se aktualisht është duke u përfunduar veshja e fasadës së tribunës kryesore. Të gjitha ambientet e stadiumit mësohet të jenë konform standardeve të vendosura nga UEFA.
“Vijojnë me intensitet punimet në stadiumin e ri të Kampionëve. Aktualisht po përfundon veshja e fasadës së tribunës kryesore. Kanë përfunduar instalimet elektrike, hidrosanitare dhe ato të kondicionimit. Ndërkohë po vishet struktura metalike, e cila mbulon tërësisht tribunën qendrore.”-shkruhet në publikimin e faqes së Partizanit./Përgatiti: Fjala.al/
