Në mesditën e sotme një aksident hekurudhor ka ndodhur në linjën ndëkombëtare të vetme të Shqipërisë me botën, në aksin Shkodër-Hani i Hotit-Podgoricë. Treni i mallrave ka dalë nga shinat, por pa rezikuar jetë njerëzish dhe ngjarja ka ndodhur në afërsi të Koplikut.
Mësohet se treni po transportonte 600 ton skrap, nga Mali i Zi në drejtim të Shqipërisë, për në Kombinatin Metalurgjik në Elbasan.
Shkak i daljes nga shinat mendohet se ka qenë amortizimi në vite i linjës hekurudhore dhe mungesa e investimeve për mirëmbajtjen e saj.
Kjo nuk është hera e parë që treni i mallrave apo edhe i pasagjerëve del nga shinat në hekurudhat shqiptare, pasi vitet e fundit këto incidente janë përsëritur mjaftë. Një incident i tillë është rregjistruar edhe 2 vite më përpara./Fjala.al/
