Kampioni i Bundesligës gjermane, Bayern Munchin gjithmonë ka marrë lojtarët më të mirë nga skuadrat e tjera të kësaj kategorie.
Prej vitesh bavarezët kanë marrë një numër të lartë futbollistësh nga Borussia Dortmundi dhe kanë arritur që të jenë më të mirët. Emra të mëdhenj si Robert Lewandowski, Mats Hummels dhe Mario Gotze janë disa nga lojtarët që lanë Borussia Dortmundin për të kaluar te Munchin.
Kjo situatë duket se e ka shqetësuar mjaftueshëm Dortmundin , i cili ka vendosur të mos i shesë më asnjë lojtar Munchin.
Drejtuesit e Dortmund kanë vendosur që t’i shesin të gjithë lojtarët e tyre jashtë ligës dhe kjo për të mos i forcuar më shumë bavarezët.
Këtë gjë e dëshmoi rasti Christian Pulisic, i cili prej kohësh ishte nën vëzhgimin e Bayern-it, por kaloi te skuadra e Chelsea për 60 milionë euro.
Borussia Dortmund mund të shesë emra si Jadon Sancho që po ashtu kërkohet nga the Blues, Julian Brandt dhe Throgan Hazard, por ajo që është e sigurt është fakti që Bayerni nuk do mund të blejë asnjë prej tyre./Përgatiti: Fjala.al/
