Aviacioni Civil në Itali ka pezulluar licencën e kompanisë ajrore “Fly Ernest”. Kompanisë ajrore i është pezulluar licenca për shkak të vonesave të shumta Shqipëri-Itali.
Bëhet e ditur se vendimi për pezullimin do të hyjë në fuqi me datë 13 janar 2020.
“Autoriteti Kombëtar i Aviacionit Civil informon se ka urdhëruar pezullimin e licencës së operimit për transportin e udhëtarëve dhe mallrave për kompaninë ajrore Ernest S.p.A.
Ky pezullim do të hyjë në fuqi nga 13 janari 2020 me qëllimin e vetëm që të lejojë kompaninë ajrore që pasagjerët që tashmë posedojnë një dokument udhëtimi, të mund të udhëtojnë, ndërkohë që duhet të sigurojë informacionin e nevojshëm për përdoruesit për çdo fluturim të anuluar.
Sidoqoftë, nëse transportuesi siguron elementet e garancisë të kërkuara nga rregullat e komunitetit dhe këto elemente vlerësohen në mënyrë të favorshme nga organi, masa e pezullimit mund të revokohet.
ENAC do të vazhdojë të monitorojë kompaninë ajrore në mënyrë që të verifikojë miratimin e të gjitha nismave të mundshme për të mbrojtur respektimin e të drejtave të pasagjerëve”, njofton AvionNews.it.
