Një vrasje e rëndë ka ndodhur mëngjesin e sotëm në qytetin e Gjilanit. Dyshohet se një zyrtar i Policisë së Kosovës, me inicialet V.H, ka goditur për vdekje me armë zjarri një të moshuar me inicialet L.S.
Ngjarja ka ndodhur në rrugën “Nato 99”, të qytetit të Gjilanit. Lajmin për arrestimin e të dyshuarit për vrasjen, e kanë bërë të ditur zëdhënësit e policisë. Hetimet janë duke vazhduar pasi motivet ende nuk janë të qarta.
“Mund të ju konfirmojë se rreth orës 04:50 në rrugën ‘Nato 99”, ka ndodhur një vrasje. Motivet ende nuk dihen. Policia dhe ekipet e tjera kanë ndalë në vendin e ngjarjes si dhe po i vazhdojnë hetimet. Vdekjen e viktimës e ka konstatuar ekipi mjekësor”, deklaron Policia e Gjilanit./Fjala.al
