Merr flakë gjatë ecjes një makinë në Vlorë. Ngjarja ka ndodhur në lagjen 10 Korriku, pranë Lungomares, ku është përhapur panik tek qytetarët.
Sipas informacioneve mësohet se makina ka qenë në ecje, në çastin kur nisën flakët e para.
Mjeti i djegur është tip ‘Lancia’ , ku tashmë pas flakëve nuk ka mbetur më asgjë prej saj. Ende nuk dihen shkaqet e zjarrit që ra në makinën me targa AA 550 ET, në pronësi të B.B. Paraprakisht dyshohet se shkak për shpërthimin në flakë të automjetit është shkëndija elektrike
Policia dhe zjarrfikëset kanë shkuar në vendin e ngjarjes dhe po punojnë për fikjen e flakëve dhe për zbardhjen e shkaqeve.
