Me një mandat dy vjeçar deri në 2021, Thoma Jano do të jetë zv.kryeprokurori i përgjithshëm i vendit. Për Janon nuk është hera e parë që merr një post si zëvendës pasi ai ka qenë zv.ministër i Rendit Publik në kohën e qeverisë së Fatos Nanos.
Thoma Jano nisi punën si prokuror pas vitit 1997, si kreu i Prokurorisë së Tiranës, gjatë kohës që organi i akuzës drejtohej nga Arben Rakipi.
Në kohën kur Prokuroria e Përgjithshme drejtohej nga Theodhori Sollaku dhe Ina Rama, Jano ka punuar si prokuror në Prokurorinë e Përgjithshme, kurse më vonë ish-kryeprokurori Adriatik Llalla, e emëroi Janon në sektorin e përgjimeve.
Deklarimi i Pasurisë:
Prokurori Thoma Jano ka deklaruar se ka si pasuri të tij një apartament 130 m2 që kap vlerën e 5 milionë lekëve dhe një makinë tip ‘Benz’ që i ka kushtuar 400 mijë lekë të reja.
Si të ardhura, Jano ka deklaruar pagën e tij dhe të bashkëshortes, për të shtuar më pas atë të djalit dhe të vajzës, e cila ushtronte profesionin e pedagoges në Universitetin “Kristal”./Fjala.al
