Fatos Tushe ka shpëtuar vetëm me disa plagë nga shpërthimi i një bombe në zyrë, ku u plagos edhe sekretarja e tij.
Por kush është Fatos Tushe, i konsideruar edhe si kryebashkiak i “fortë”, pasi është ndër ata pak persona që Rama i rikandidoi për të katërtën herë si kryebashkiak.
Fatos Tushe drejton Bashkinë e Lushnjes prej vitit 2011 dhe në zgjedhjet e qershorit 2018 mori mandatin e tij të katërt. Në zgjedhjet lokale të 2015-ës, Tushe fitoi me 52.27% të vota në emër të Partisë Socialiste dhe Aleancës për Shqipërinë Europiane.
Fatos Tushe ka përfunduar studimet në Fakultetin e Inxhinierisë Mekanike në vitin 1994 dhe në vitin 2009 ka përfunduar studimet për Drejtësi në Fakultetin Juridik të Tiranës. Tushe është zgjedhur për herë të parë kryetar i Bashkisë së Lushnjes në vitet 2007-2009, por e la mandatin për t’u bërë deputet i Kuvendit të Shqipërisë.
Në vitin 2011, ai dha dorëheqjen nga mandati i deputetit për të kandiduar sërish në zgjedhjet lokale për Bashkinë e Lushnjes.
