Komisionari për Zgjerimin e Bashkimit Europian, Oliver Varhelyi, në një intervistë për medien gjermane Deutsche Welle ka folur rreth shanseve që kanë vendet e Ballkanit Perëndimor për hapjen e negociatave me BE këtë vit.
Ai është shprehur se e ka qëllim që gjatë mandatit të tij të përshpejtohet procesi i afrimit të Ballkanit Perëndimor me BE dhe të forcohet perspektiva e anëtarësimit.
Oliver Varhelyi thekson se të paktën një prej këtyre vendeve mund të anëtarësohet në BE nëse nxitet zhvillimin ekonomik deri në fund të mandatit të tij.
“Qëllimi im është që vitin e ardhshëm dhe gjatë mandatit tim pesëvjeçar të përshpejtohet procesi i afrimit të Ballkanit Perëndimor me Bashkimin Evropian dhe të forcohet perspektiva e anëtarësimit. Me rëndësi është që vendimi pozitiv të merret shumë kohë para samitit të Zagrebit në maj.
Ambicia ime është që të nxisim zhvillimin ekonomik dhe që deri në fund të mandatit tim, të paktën një prej këtyre vendeve të mund të anëtarësohet në BE. Ndërsa të tjerat të avancojnë shumë në këtë proces të negociatave,”-deklaroi komisionari europian./Fjala.al
