Një automjet përplasi ditën e djeshme një grua me biçikletë, ngjarja ndodhi në zonën e Institutit, Kamëz.
Policia raportoi se e aksidentuara humbi jetë për shkak të plagëve të rënda që kishte marrë, por ndërkohë ishin në kërkim të autorit i cili ishte larguar menjëherë nga vendngjarja.
Sot u njoftua arrestimi i autorit 32-vjeçar, banues në zonën e Kamzës. Aksidenti i ndodhur më 1 janar shënoi kështu dhe aksidentin e parë me viktima për këtë vit.
Njoftimi i policisë
Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: Z. B. (M).,32 vjeç, banues në Kamëz.
Arrestimi i tij u bë pasi më datën 01.01.2020, rreth orës 22:10, në Bulevardin Blu në Kamëz, duke drejtuar automjetin tip “Fiat” ka aksidentuar një çikliste rreth 40 vjeçe, ende e paidentifikuar, e cila prej dëmtimeve të marra ka ndërruar jetë.
Materialet i kaluan Prokurorisë se Rrethit Gjyqësor Tiranë, për veprën penale “Shkelja e rregullave të qarkullimit rrugor” ./Fjala.al
