Prokuroria e Tiranës ka filluar procedimin penal ndaj kandidatit për kryetar të bashkisë së Shkodrës,Valdrin Pjetri, pasi akuzohet për falsifikim të formularit të dekriminalizimit.
Ai mund të dënohet deri në 3 vite burgim si dhe mos ushtrim për një kohë të caktuar të funksioneve publike. Nga prokuroria është zbuluar se Pjetri ka dhënë identitet të rremë pas arrestimit në Itali duke i ndryshuar emrit gërmën e fundit, gjë që ka vështirësuar identifikimin e tij gjatë përpunimit të gjurmëve të gishtave. Ish-kandidati për Kryetar Bashkie i Shkodrës do të përballet këtë fillim viti me drejtësinë.
Ai nuk u hetua nga Prokurori e Posaçme, SPAK, pasi nuk arriti të merrte dëtyrën e si pasojë nuk mund të kosiderohej zyrtarë i lartë.
Me muaj të tërë Sektori i Dekriminalizimit në Prokurorinë e Përgjithshme punoi për të vërtetuar se Pjetri ishte i dënuar në Itali në vitin 2003, ku dhe ishte debuar më pas nga ky shtet. Në momendtin e arrestimit ai ishte prezantuar me emrin Valdrim dhe jo Valdrin dhe më pas identitetii tij ishte vërtetuar vetëm nga shenjat e gishtave raporton RTV Ora.
Nga verifikimet e mbërritura nga autoritetet italiane, del se Valdrin Luigj Pjetri, i datëlindjes 18 Shtator 1982, lindur në Shqipëri, është arrestuar në flagrancë, në datë 27 Janar 2003 në Firence.
Ndërsa, më datë 28 Janar 2003, Valdrin Pjetri ka pranuar kryerjen e krimit dhe fajësinë përpara gjykatës, duke nënshkruar marrëveshje për dënimin e tij të menjëhershëm sipas legjislacionit penal italian.
Më tej, në dokumentin e mbërritur nga Italia theksohet se Pjetri është dënuar nga Gjykata e Firences, me vendimin e formës së prerë të datës 12 Qershor 2003, me 18 muaj burg dhe 1000 euro gjobë, për veprën penale “shpërndarje, prodhim dhe trafikim i lëndëve narkotike dhe lëndëve të tjera të paligjshme psikotrope”, të kryer në bashkëpunim.
Ndërsa, për shkak të marrëveshjes së pranimit të fajësisë, Gjykata e Firences ka urdhëruar pezullimin e dënimit.
Më 3 Shkurt 2003, Pjetrit i është revokuar leja e qëndrimit dhe më datë 4 ndaj tij është marrë masa e dëbimit nga shteti italian./Përgatiti: Fjala.al/
