Që Luana Vjolla, të shtunave mbrëma, është kthyer në një nga imazhet më të pëlqyera për publikun shqiptar, këtë tashmë e dimë, pasi moderatorja ka thyer çdo shikueshmëri të pritshme këtë sezon në “Shiko kush luan”.
Por mesa duket moderatoren seksi nuk do e shohim më në ekran deri shtatorin e ardhshëm. Ishte vet moderatorja që përmendi në puntatën e 1 Janarit se rrugëtimi i “Shiko kush luan” kaq e pati dhe më pas nëpërmjet instagramit të saj pamë se ajo u nis drejt e në Dubai për pushime.
Momentalisht ajo po shijon Dubain dhe kjo gjë duket më së miri nga postimet e nxehta të saj. Megjithatë moderatorja nuk është vetëm, pasi motra dhe kunati i saj Marina dhe Getoari janë bashkë me të.
Nuk besojmë se Luana ka ikur në pushime deri në Dubai vetëm me Marinën dhe Getoarin, gjë që na bën të dyshojmë se bashkë me ta mund të jetë dhe partneri i saj prej vitesh tashmë Krenar Çoçaj.
Në fund të fundit i urojmë Luanës pushime sa më të mbara dhe i themi se mungesa e saj do të ndihet në ekranet shqiptare.
Përgatiti: Enkeleda Fishekaj
