Jo vetëm Bota por edhe Europa po përballet me një shpërndarje të pabarabartë të popullsisë përsa i përket raportit mes gjinive. E thënë ndryshe, ka një diferencë në Eruopë mes raportit të fermave dhe meshkujve, ku këta të fundit përbëjnë numrin më të ulët të popullsisë në krahasim me gratë.
Por ky raport ndryshon në vendin tonë, pasi sipas portalit më të madh të të dhënave, Our World in Data në Shqipëri përqindja e popullsisë femra ishte 49.52%, përkundrejt 51% që ishte në Bashkimin Europian.
Gjithashtu Shqipëria ka më pak ferma edhe se vendet e rajonit. Përqindja më e lartë është shënuar në Serbi, ku sipas të dhënave të portalit popullsia femra ishte 51.14%, në Bosnje dhe Hercegovinë, përqindja e popullsisë femra ishte 50.91%, pasuar nga Mali i Zi me 50.66%, dhe Maqedonia me 50.01%.
Mesatarja botërore e fermave në krahasim me meshkujt është 49.56%.
Përqindjen më të lartë të popullsisë femra e ka Letonia 54.07%, e ndjekur nga Rusia me 53.5%. Në përgjithësi vendet ish-Bashkimit Sovjetik mbajnë rekord për përqindjen më të lartë të popullsisë femra në botë.
Sikurse shikohet nga harta, përqindjen më të ulët të popullsisë femra e kanë vendet e Afrikës së Veriut, vendet e Lindjes së Mesme, ku rekordin e mban Arabia Saudite 42.93%. Kina dhe India ka gjithashtu përqindje të ulët të popullsisë femra.
Ka disa arsye pse raporti gjinor është i pabarabartë:
Ndryshimet në normën e vdekshmërisë dhe jetëgjatësia për gratë dhe burrat. Mesatarisht, gratë jetojnë më shumë se burrat.
Raportet gjinore gjatë lindjes nuk janë të barabarta. Në të gjitha vendet, ka më shumë lindje të meshkujve sesa lindjet femra (shtrirja e së cilës ndryshon sipas vendit).
Migracioni mund të ndikojë gjithashtu në raportin gjinor të popullatës. Nëse në disa vende ka një sasi të konsiderueshme të punës së mbizotëruar nga meshkujt, gjithçka tjetër është e barabartë, ne do të presim që meshkujt të llogaritnin më shumë se gjysmën e popullsisë së përgjithshme./Fjala.al
