Një shtëpi ka marrë flakë mëngjesin e sotëm në qytetin e Vlorës, rreth orës 08:30.
Mësohet se ngjarja të ketë nodhur në lagjen “Partizani” të qytetit bregdetar, ku për të shuar zjarrin kanë shkuar tre zjarrëfikëse me 10 forca, të cilët janë duke luftuar ende me flakët.
Banesa që ka marrë flakë është një shtëpi private dhe bëhet me dije se në momentin që ka rënë zjarri familjarët kanë qenë zgjuar dhe kanë dalë me shpejtësi jashtë duke shpëtuar pa lëndime.
Zjarri mësohet të ketë nisur në kuzhinë, ndërsa dyshohet se shkak mund të ketë qenë ndonjë shkëndijë elektrike. Megjithatë autoritetet përkatëse janë duke punuar për zbardhjen e plotë të saj./Përgatiti:Fjala.al/
