Një punëtor i ndërtimit është zënë poshtë nga vinçi në qytetin e Korçës. Ngjarja ka ndodhur afër Pazarit të Ri, në afërsi të agjencisë së autobusëve.
Nga të dhënat e para mësohet se punëtori i zënë nga vinçi është Elvis Josifi, 30 vjeç i cili nuk ka mundur t’i mbijetojë plagëve të marra.
Pavarësisht ndërhyrjes me shpejtësi të punëtorëve të tjerë, por edhe babait dhe vëllait të tij me të cilët punonte në kantier, Elvis Josifi nuk mundi që të mbijetonte pasi goditja ishte fatale duke i marrë jetën në vend.
Ngjarja në fjalë ka ndodhur pak minuta më parë. Punëtori ishte duke punuar në katin e katërt në kantierin e një pallati.
Nga kjo ngjarje ka mbetur i plagosur edhe një tjetër punëtor që është dërguar në spital për ndihmë. Ende nuk dihet gjendja e tij shëndetësore./Fjala.al
