Një zhytës është sulmuar e vrarë nga një peshkaqen pranë ishullit të vogël Cull Island në brigjet e Esperance në brigjet jugore të Australisë.
Lajmi është bërë publik nga autoritetet vendase, të cilat bëjnë me dije se viktima ishte një zhytës.
Ky regjistrohet si sulm i parë fatal në këtë fillim viti dhe i dyti në këto tre vite në Australi. Kujtojmë që në vitin 2017 një vajzë 17 vjeçe u sulmua nga një peshkaqenë përpara prindërve të saj në Wylie Bay në lindje të po qytetit të Esperance.
E mitura humbi këmbën nga kjo ngjarje dhe u nxor nga uji, por që nuk mundi të rezistonte dhe ndërroi jetë pak më vonë.
Australia një nga vendet ku sulmet nga peshkaqenët janë shumë të shpeshta, por megjithatë vdekjet kanë qenë më të pakta. Gjatë vitit që sapo u mbyll, 2019, regjistrohen të kenë ndodhur plot 27 sulme nga peshkaqenët, por për fat të mirë nuk pati asnjë të vdekur./Fjala.al/
