Disa javë më parë, ylli i sapokthyer i skuadrës së Milan, Zlatan Ibrahimovic, vendosi që të bëhej aksioner i ekipit të Hamarbit.
Sulmuesi suedez e komentoi këtë vendim si një ndihmë që ai donte t’i jepte kësaj skuadre për t’u bërë më e forta në Gadishullin Skandinav.
Hamarbia, me fanellën e të cilës Ibra bëri dhe një foto, është kundërshtari kryesor i ekipit të Malmos.
Përkrahja e skuadrës kundërshtare të Malmos, që duhet rikujtuar është ekipi me të cilin ish-kapiteni i Suedisë nisi karrierën sportive, i ka revoltuar shumë mbështetësit e tyre.
Tifozët e Malmos, mbrëmjen e djeshme nuk kanë pasur nevojë për peticion apo lejen e bashkisë për të rrëzuar e shkatërruar statujën e Zlatan Ibrahimovic.
Ky lajm u bë publik nga mediet vendase, të cilat raportojnë se dyshimet kryesore të policisë janë pikërisht për ultrasit e Malmos./Përgatiti: Fjala.al/
