Aktualisht zona Fushë-Krujës është pa energji elektrike si pasoje e një defekti në rrjetin 110kV. Defekti është shkaktuar nga erërat e forta që kanë prekur gjithë vendin.
Lajmi konfirmohet nga OSHEE. Ndërkohë, brigadat e OST janë në terren duke punuar për riparimin e defekteve.
Ndërsa në zonën e Selitës në rrugën “Bill Klinton” janë rrëzuar edhe shtyllat.
“Moti i keq ditën e sotme preku pjesë të rrjetit elektrik, sidomos atë ajror. Demet janë shkaktuar kryesisht nga era e fortë.
Gjithsesi, brigadat e avarive ndodhen në gatishmëri.
Foto nga këputja e fiderit në Selite, (rruga “Bill Klinton”) Tiranë”, thuhet në njoftimin e OSHEE. /Fjala.al
