Gianni de Biasi do të jetë trajneri i Italisë për një kauzë të veçantë. Ish-tekniku i kombëtares shqiptare do të drejtojë ekipin në ndeshjen e solidaritetit, programuar për në datën 10 janar.
Pak vite më parë Gianni de Biasi u bë dhe shtetas shqiptar duke marrë nga presidenti pasaportën shqiptare. Teorikisht drejtimi i kombëtares së Italisë do të drejtohet nga një shqiptar, qoftë dhe për një natë të vetme.
Së bashku me 3 kombëtare të tjera, “Azzurët” do të “luajnë për të rindërtuar” banesat në zonat e Durrësit dhe Thumanës, të shkatërruara pas tërmetit të 26 nëntorit.
Në stadiumin e ri kombëtar “Air Albania” do të zbresin në fushë emra të rëndësishëm që kanë shkruar historinë te kombëtarja shqiptare.
Të ftuar në këtë aktivitet janë edhe futbollistë të Turqisë së vitit 2002, kampionëve të Evropës në vitin 2004, Greqisë dhe Italisë kampione bote në vitin 2006. /Fjala.al
