Bora e parë ka nisur tashmë dhe më e prekura është Korça. Të dhënat flasin për ngrica dhe vështirësi në rrugë e për pasojë autoritete bëjnë thirrje për vendosjen e zinxhirëve në mjete.
Situata nuk është alarmante por duhet bërë kujdes në disa pika ku edhe temperaturat janë shumë të ulëta. Kështu reshjet e borës në zonën e Korçës kanë filluar orëve të mëngjesit dhe intensiteti është shtuar ndjeshëm në zonën e Qafës së Sharrit.
Në këtë zonë si pasojë e rënies së dendur të dëborës kërkohet nga shoferët e makinave që të përdorin zinxhirët. Në këtë aks për shkak të temperaturave të ulëta janë krijuar edhe ngrica në rrugë.
Autoritetet lokale bëjnë me dije se prej orës 7 të mëngjesit, qarku i Korçës është përfshirë nga reshje me intensitet të ulët.
Zonat me reshjet intensive janë zona e Ersekës dhe fshati Dardhës. Por sipas zyrtarëve të autoritetit lokal të rrugëve nacionale nuk paraqiten probleme për sa i përket qarkullimit të automjeteve në akset kryesore edhe pse bëjnë të ditur që drejtuesit e mjeteve të kenë kujdes për shkak të lagështirës.
Gjithashtu po punohet nga kontraktorët me pastrim dhe hedhje kripe në rrugët që sipas tyre paraqesin me shumë probleme. /Fjala.al/
