Pas goditjes ajrore që solli vdekjen e gjeneralit iranian Soleimani, parlamenti i Irakut ka miratuar një rezolutë për dëbimin e personelit ushtarak amerikan.
Rezoluta parashikon përfundimin e qëndrimit të prezencës së huaj ushtarake në vend dhe si objektiv kryesor ka largimin nga Iraku të 5200 trupave ushtarake.
Formalisht rezoluta i ka dhënë fund një marrëveshjeje mes të dyja vendeve që parashikonte që SHBA të ndihmojë Irakun në luftën kundër Shtetit Islamik.
Dokumenti në fjalë është miratuar një shumicë Shiite në Parlamentin iraken, ndërkohë që shumë përfaqësues të komunitetit sunit dhe kurdëve nuk u paraqitën në seancë.
Në SHBA sekretari amerikan i Shtetit Mike Pompeo u shpreh skeptik se forcat amerikane do të dëboheshin. Ai tha për rrjetin televiziv “Fox News” se “Uashingtoni ka besim se populli irakian dëshiron që SHBA-ja të qëndrojë”.
