Në portin e Barit janë anuluar të gjitha lundrimet për në Durrës dhe shkak për këtë është bërë përkeqësimi i motit.
Në një njoftim të Drejtorisë së Përgjithshme Detare bëhet me dije se porti i Barit do të qëndrojë i mbyllur ditën e sotme , ndërsa ai i Durrësit është u hapur e në gatishmëri, por për shkak të mbylljes së atij në Bari do të ndalohet nisja e trageteve për në bari.
Njoftimi i plotë:
Njoftim! Duke parë përkeqësimin e motit ne ditët e para të vitit 2020 dhe kontaktet me kapitenerinë e portit te Barit, Drejtoria e Përgjithshme Detare njofton se :
1-Porti i Barit është mbyllur sot dhe tragetet nga Bari për Durrës nuk janë nisur deri në një urdhër te dytë nga kapiteneria e portit Barit.
2-Porti i Durrësit është i hapur dhe në gatishmëri por për arsye të mbylljes te portit te Barit do ndalojmë nisjen e trageteve nga Durrësi për në Bari për të shmangur qëndrimin e trageteve dhe të pasagjerëve në radhën e portit te Barit.
Kërkojmë mirëkuptimin e pasagjerëve të bllokuar në portet e Barit dhe të Durrësit pasi e gjitha bëhet për të garantuar sigurinë lundrimore në situatat detare me mot te përkeqësuar, erë te fortë e dallgë të larta. Për çdo ndryshim do ju mbajmë të informuar ose mund të merrni informacion në terminalet e portit Barit dhe Durrësit. Drejtoria e Përgjithshme Detare./Fjala.al/
