Papa Françesku ka reaguar pas tensioneve të ashpra të krijuara midis Shteteve të Bashkuara të Amerikës dhe Iranit, pas ekzekutimit të gjeneralit iranian, Qasem Soleiman, nga forcat ushtarake amerikane.
Kjo ngjarje ka ngjallur një frikë të madhe në të gjithë botën si dhe ka nxitur diskutime e reagime të forta të liderëve politikë e jo vetëm.
papa i është bashkuar reagimeve dhe u bën thirrje të dyja palëve për dialog e vetëpërmbajtje.
Në lutjen e ditës së djelë në Vatikan, ai foli për tensionin e tmerrshëm që tashmë mund të ndihet kudo.
“Unë u bëj thirrje të gjitha palëve të mbajnë ndezur flakën e dialogut dhe të vetëpërmbajtjes dhe të largohen nga hija e armiqësisë. Lufta sjell vetëm vdekje dhe shkatërrim”, u shpreh Papa Françesku.
Rikujtojmë se gjenerali i Iranit u vra ditën e premte nga një sulm amerikan me dron, në aeroportin e Bagdatit, duke sjellë premtime për hakmarrje të frikshme nga Teherani./Fjala.al/
