Sot rreth orës 10.00, në një kafene të Rrëshenit është ekzekutuar një 47-vjeçar.
Detaje të tjera janë zbardhur nga vrasja e biznesmenit 47-vjeçar Kastriot Reçi. Bëhet me dje se policia ka gjetur pranë një pallati një snajper, me të cilin mendohet se është qëlluar Ruçi. Ky i fundit u qëllua vetëm me një plumb, ndërsa ndërroi jetë menjëherë në vendngjarje.
Arma e krimit mund të çojë më pranë identifikimit të autorëve, ndërsa thuhet se ka qenë një vrasje e kryer nga profesionistë.
14:20 Sandër Lleshaj e Ardi Veliu bëjnë lëvizjen e papritur
Ekzekutimi i biznesmenit Kastriot Reçi në qytetin e Rrëshenit, ka ngritur në këmbë të gjitha strukturat e shtetit. 47-vjeçari u qëllua në afërsi të lokalit të tij në Rrëshen, pranë komisariatit të policisë.
Ministri i Brendshëm, Sandër Lleshi së bashku me drejtorin e Policisë së Shtetit, Ardi Veliun mësohet se janë nisur menjëherë drejt qytetit të Rrëshenit.
Policia dyshon se vrasja është bërë për hakmarrje dhe se ka lidhje me veprimtarinë kriminale të 47-vjeçarit dhe vëllait të tij, Gaspër Reçi, i vrarë në prill të 2017, në Itali.
14:45 Policia vë shpërblim 2 milionë lekë për çdo informacion
Policia vë shpërblim 2 milionë lekë për çdo informacion të vlefshëm për zbardhjen e ngjarjes dhe kapjen e autorit të vrasjes së biznesmenit Kastriot Reçi në Mirditë. Në një komunikatë për mediat Drejtoria e Policisë së Qarkut Lezhë njofton se kushdo që mund të ketë informacion të vlefshëm, të telefonojnë në numrin unik 112 dhe në numrin në dispozicion për këtë qëllim 069 41 06 449, duke ju garantuar anonimat të sigurt dhe reagim të menjëhershëm./Fjala.al
