Detaje të reja janë bërë publike nga ngjarja e rëndë e ndodhur paraditen e sotme në Rrëshen.
Bëhet me dije nga burimet për media se të plagosurit që kanë mbëtur pas të shtënave janë në spitalin e Traumës.
Nga ana tjetër konfirmohet se tre personat që u plagosën janë Ilir Bardhoku, Olti Gjini, Indrit Bardhi janë transportuar drejt Spitalit të Traumës në Tiranë.
Ata ndodhen në sallë të operacionit. Nga burime të pakonfirmuara njoftohet se një prej tyre mësohet se rrezikon të humbasë krahun (amputim).
I plagosuri tjetër ka marrë dëmtime në mushkëri e mëlçi, ndërsa tjetri në mushkëri.
Kujtojmë se Ilir Bardhoku, Olti Gjini, Indrit Bardhi ndodheshin të 3 të ulur në një tavolinë me Martin (Marku) Bardhin, kur në drejtim të tyre u qëllua me breshëri automatiku. Nga të shtënat mbeti i vrarë 59-vjeçari Martin (Marku) Bardhin, i cili sipas të gjitha të dhënave ishte dhe objektiv i këtij atentati.
Ngjarja e rëndë ndodhi rreth orës 10:40 në lokalin e viktimës që ndodhet në qendër të Rrëshenit.
Sa i përket autorëve, ata dyshohet se ishin 2 persona të maskuar, të cilët lëviznin me një fuoristradë që u gjet e djegur në fshatin Gëziq të Mirditës./ S.M
