Presidentja e Komisionit Evropian u ka kërkuar të rinjve të Britanisë që të mos pranojnë izolimin pas “Brexit’, dhe të mos pranojnë statusin e ri të vendosur nga Boris Johnson.
Në vizitën e saj të parë zyrtare në Mbretërinë e Bashkuar, Ursula von der Leyen diskutoi me një auditor studentësh rreth marrëveshjes Brexit duke theksuar se kjo do të ndikonte në të ardhmen e tyre.
Ajo sugjeroi se rinia e Britanisë nuk duhet të pranojë atë që u negociua dhe nëse ata nuk janë të kënaqur me marrëveshjen duhet ti kthejnë gjërat në mënyrën si duhet të jenë.
Komentet e presidentes janë cilësuar nga disa kritikë të Brexit si thirrje për të mos hequr dorë nga BE.
“Brex-it nuk shënon vetëm fundin e diçkaje. Ajo gjithashtu përbën një fazë të re partneriteti dhe miqësie të qëndrueshme,” u shpreh ajo në shkollën ekonomike në Londër.
“Do të jetë një partneritet për gjeneratën tuaj dhe unë ju mbështes të gjithëve për ta bërë atë një sukses.
“Ju mund të zgjidhni bashkëpunim mbi izolimin. Ju mund të formoni fatin e kontinentit tuaj. Ju mund të bëni përgjegjës qeverinë tuaj.
Sondazhi tregon shumicë të gjerë në favor të anëtarësimit në BE në mesin e demografisë më të re dhe në moshë pune, kurse Brex-it i mbështetur vetëm nga pensionist.”
Në vetëm tre javë, më 31 janar Mbretëria e Bashkuar do të ketë ditën e fundit të saj si anëtare. Kjo do të jetë një ditë e vështirë dhe emocionale. Por, kur dielli do të lindë më 1 shkurt, Bashkimi Evropian dhe Mbretëria e Bashkuar do të jenë akoma miq dhe partnerë të mirë. Lidhjet midis nesh do të jenë akoma të pathyeshme”, ka shtuar ajo.
“Ne do të shkojmë aq larg sa mundemi, por e vërteta është që partneriteti ynë nuk mund dhe nuk do të jetë i njëjtë si më parë. Nuk mund dhe nuk do të jetë aq afër sa më parë sepse me çdo zgjedhje vjen një pasojë.
Zonja von der Leyen mori pjesë në një takim me Boris Johnson në “Downing Street” pas fjalimit – duke parashtruar bisedimet tregtare që do të vijnë./Fjala.al/Burimi:The Indipendent
