“Përdorni një fjalë për të përshkruar Fraser Forster”, këto fjalë ka përdorur faqja e UEFA Europa League në videon që ka postuar për portierin anglez.
Fraser Gerard Forster është portieri legjendë i skuadrës skoceze të Celtic. Gjatë ndeshjeve për Europa League, anglezi ka bërë disa nga pritjet më të shpejta dhe të pabesueshme, duke shpëtuar skuadrën e tij edhe atëherë kur mund të jetë dukur e pamundur.
Mund të thuhet me plot gojë se ai ia ka dalë në momente kur as emrat më të mëdhenj në historinë e futbollit botëror nuk kanë mundur të bëjnë gjë.
Vetë faqja e UEFA Europa League ka mbledhur disa nga këto momente të portierit dhe ka kërkuar nga komentuesit që të përdorin vetëm një fjalë për ta përshkruar atë.
Disa nga komentuesit e kanë cilësuar portierin si makineri ose një mur të madh, i cili nuk mund të tejkalohet./Fjala.al/ Përgatiti: Katerina Tafa/
