Rikthimi i Zlatan Ibrahimoviç te Milan duket se do ndikojë në largimin e një tjetër lojtari të rëndësishëm të klubit italian.
Është fjala pikërisht për sulmuesin Krysztof Piatek, për të cilin është duke u përfolur se mund të kalojë në Premierë League.
Mediet vendase janë duke raportuar së fundmi se lojtari i Milan mund të transferohet te klubi i Aston Villas, ku theksohet se anglezët po bëjnë të pamundur për ta marrë polakun.
Sulmuesi mund të themi se nuk po kalon një moment shumë të mirë te Milan, pasi në 18 aktivizime ka arritur të shënojë vetëm katër herë.
Ai është nxjerrë në shitje nga drejtuesit e klubit, që duket se pas kthimit të suedezit po kërkojnë ta largojnë Piatek.
Aston Villa ka ofruar një shifër prej 28 milionë euro për kartonin e sulmuesit polak, por nuk dihet ende nëse klubi i Milan do të bjerë dakord me këtë shumë./Fjala.al/
