Divorcet dhe fëmijët, një fushëbetejë “e dhunshme” mes ish-bashkëshortësh

113 563 lexime

124,178FansaPëlqeje

Denisa Daka*

Në zyrat e përmbarimit, në fundjavë kryesisht, gjen kudo në oborr, zyra a korridore, nëna me fëmijë a baballarë, të cilët presin të gjithë bashkë, ditën a orën e takimit me fëmijët, plot tension e pasiguri.

Pas zgjidhjes së martesës, takimet e fëmijëve me prindin jo kujdestar (në mungesë të një banese), zhvillohen në çdo rast në zyrat e përmbaruesve.

Në fushëbetejën a konfliktin pa limit që ngërthen dhunshëm në shumë raste ish-bashkëshortët, fëmijët shpesh përdoren për të siguruar bonuse të ndërsjella, në mungesë të një akordi mes tyre.

“…thuaj babit që nëse nuk sjell lekët e shkollës, kursit, ilaçeve, etj,, nuk do të të takojë në fundjavë…”, “thuaj babit të derdhë pensionin ushqimor në llogarinë time menjëherë, ndryshe nuk do të të shohë kurrë më…”, dialogje këto të cilat në shumë raste përcjellin shqetësimin, pasigurinë a trishtimin e nënave kryefamijare, ndërsa e gjitha kjo reflektohet në krejt jetën e fëmijëve, në rezultatet e tyre posaçërisht.

Pas kësaj, fëmijët shkojnë e vijnë me çanta në duar nga njëri prind tek tjetri, të trishtuar a përmalluar çdo herë ndryshe, ndërsa asgjë nuk është më si më parë.

Në rastet e mosrespektimit të detyrimeve përkatëse, lidhur me takimin e fëmijëve a derdhjen e pensionit ushqimor, nisin e vijojnë procedurat përmbarimore a kallëzimet në komisariat, të cilat shërbejnë më së shumti për t’u hakmarrë mes ish-partnerëve.

Mungesa e dialogut, bashkëpunimit a mirëkuptimit mes tyre, ia lë vendin inatit, përçmimit e hakmarrjes, të cilat bëhen të gjitha bashkë pjesë e udhës së tyre.

Përmbaruesit kryejnë paskësaj rutinisht punën e tyre, duke bërë të mundur takimin e prindit me fëmijën në zyrat e tyre të zymta, plot pluhur e dosje, të cilat nuk kanë asnjë lidhje me një takim të bukur fëmije.

Lexo edhe :  Ushqimet e darkës që ju fryjnë pa e ditur

Ato minuta të vështira në këto kushte, rezultojnë cfilitëse e pa asnjë rezultat, të cilat nxisin ndjenja zemërimi e mungesë dëshire tek fëmijët e prindërit e tyre.

Ende pas 30 viteve nuk është menduar një ambient i veçantë takimi për këto raste, për të krijuar një standard të pranueshëm kësisoj, duke shmangur dëmin e tollovinë e pakuptimtë.

Ky fakt është lënë në harresë bashkë me shumë probleme të tjera në radhë, të cilat kërkojnë e presin zgjidhje të menjëhershme.

Ndërkaq, veshët e shurdhët a muret ngrehur bri tyre, po krijojnë një paketë dëmi të pallogaritshëm kësisoj, e cila prek e rëndon fëmijët posaçërisht.

*Autorja është juriste – avokate

Të fundit

Vilma Nushi paditi Albana Vokshin për shpifje, sot seanca e radhës në GJKKO

Në Gjykatën e Posaçme mbahet sot seanca mes Vilma Nushi dhe deputetes së PD, Albana Vokshi e paditur për shpifje. “Sot në datën 04.04.2025,...

U plagos në galeritë e kromit, përfundon në spital minatori në Bulqizë

Një minator është plagosur në galeritë e kromit të minierës Albchrome të Bulqizës. Mësohet se 36-vjeçari Shkëlzen Disha ka qenë duke punuar në thellësi...

Berisha e akuzoi se vodhi databazën/ Shehaj: Ato ia dhashë unë kur mbeti pa gjë nga Basha

Kryetari i partisë Mundësia Agron Shehaj tha në një intervistë televizive se partia e tij po merr qytetarë në telefon dhe po i dërgon mesazhe qytetarëve...

Gjykata e Lartë rrëzon Berishën, kërkoi përjashtimin e trupës gjykuese

Gjykata e Lartë rrëzon kërkesën e Sali Berishës për përjashtimin e trupës gjykuese që do shqyrtojë rekursin kundër masës detyrim paraqitje. Berisha kërkonte largimin e...

VIDEO/ Nën masën “detyrim paraqitje”, Ajola Xoxa paraqitet në SPAK

Gruaja e kryebashkiakut të Tiranës Erion Veliaj, Ajola Xoxa është paraqitur ditën e sotme në ambientet e Prokurorisë së Posaçme Kundër Krimit të Organizuar...

Lajme të tjera

Web TV