Skuadra e Lacios feston sot përvjetorin e 120 të krijimit të saj dhe një dite kaq të rëndësishme nuk mund t’i mungonte një figurë si ajo e drejtorit sportiv të klubit, shqiptari Igli Tare.
Në një intervistë për mediet Tare ka folur për klubin dhe objektivat e vendosura për këtë sezon ku thotë që shpreson që të dhurohen edhe 120 vite të tjera në të njëjtën mënyrë si kjo periudhë.
“Shpresojmë të dhurojmë edhe 120 vite të tjera, në të njëjtën mënyrë që po kalojmë gjatë kësaj periudhe. Por, në të njëjtën kohë ne kuptojmë që rreziku i humbjes të çdo gjëje të krijuar deri më tani është i pranishëm. Duhet të jemi me këmbë në tokë dhe të punojmë me përulësi, siç jemi duke bërë momentalisht”,-thotë Tare.
Ndërsa, ka vijuar komentin për të ardhmen ai ka theksuar se skuadra kryeqytetase është ende në gjysmë të rrugës dhe nuk do të bëjë deklarata të forta duke theksuar se është profesionist.
“Jemi vetëm në gjysmën e rrugës, kemi fituar shumë beteja, por duhet të fitojmë luftën. Kjo është “fotografia” vetëm e një momenti, në të cilën kemi bërë diçka të jashtëzakonshme, por që duhet ta çojmë deri në fund. Ju flisni për këto gjëra, por unë jam profesionist dhe përpiqem të jem me këmbë në tokë, edhe pse ëndrrat janë të bukura”, shprehet shqiptari.
Në lidhje me ndeshjen me Napolin, drejtori sportiv i Lacios ka thënë se kjo fitore do të thoshte triumf ndaj njërës prej skuadrave më të mira të momentit.
“Të fitojmë kundër Napolit do të thoshte para së gjithash të mundimin një kundërshtar të shkëlqyer të këtij kampionati, një nga pretendentët e synimeve tona, por edhe duke i dhënë vazhdimësinë rekordit që kemi vendosur deri më tani”.-vijoi ai.
I pyetur për qëllimin kryesor të Lacios, Tare është shprehur se është Liga E kampionëve, ku ka theksuar se do bëhet çdo gjë për ta arrirë atë.
“Qëllimi është Liga e Kampionëve, ne e kemi thënë që nga fillimi i vitit këtë. Sapo të arrijmë këtë qëllim, nëse jemi 4-5 ndeshje nga fundi duke luftuar për diçka tjetër, nuk do të fshihemi, duke u munduar të fitojmë. Por së pari le të mendojmë për Ligën e Kampionëve”,- mbylli intervistën Igli Tare. Rikujtojmë se shqiptari ka ndikuar shumë në skuadrën e Lacios duke e ngritur me lojtarë të rinj e jo shumë të kushtueshëm, pasi Tare di ti dallojë talentet e reja dhe t’u japë atyre hapësirën dhe besimin e mjaftueshëm për t’u zhvilluar më shumë./Fjala.al/
