Ka filluar që në orët e para të mëngjesit aksioni i IKMT për prishjen e pesë banesave të cilat përfshihen nga projekti i Unazës së Re.
Kjo ka pasuar me bllokimin e qarkullimit rrugor në segmentin nga Sheshi Shqiponja deri tek Pallati me Shigjeta duke krijuar një trafik të rënduar që në orët e para të mëngjesit për qytetarët. Policia ka vendosur shiritat rreth e qark banesave si dhe ka bllokuar rrugën.
Nga ana tjetër nuk ka shenja për rezistencë nga banorët pasi pikërisht ky projekt ka pasur debate dhe një protestë 1- vjeçare nga protestuesit tek Unaza e Re. Madje opozita bëri një pakt- marrëveshje ku premtoi se me ardhjen në qeveri do anulonte menjëherë këtë projekt.
Për të shmangur ndonjë konflikt të mundshëm është aktivizuar edhe policia si dhe Forcat e Ndërhyrjes së Shpejtë. Fjala.al/
