“Rrinë në telefon e duan vetëm famë”, Lewandowski kritika gjeneratës së re

Ylli i Bayern Munchin, Robert Lewandowski ka folur në lidhje me mendimin që ka ai për gjeneratën e re.

Në një intervistë me “Sport Bild”, sulmuesi i kampionëve gjermanë është shprehur se lojtarëve të kësaj gjenerate u shtrohet direkt tapeti i kuq.

“Lojtarëve të kësaj gjenerate u shtrohet menjëherë tapeti i kuq, edhe pse në një moshë kaq të re, ata kushtojnë shumë para. Ata duhet të rriten akoma pasi nuk garantojnë sukses”, -tha polaku.

Sipas Lewandowski-t lojtarët e rinj e kanë suksesin më shumë nga mediet dhe nga menaxherët e tyre, sesa nga puna.

“Tani flitet vetëm për lojtarë të rinj, të cilët fryhen shumë nga mediet dhe menaxherët e tyre. Për të pasur sukses duhet të kesh një shkartisje të mirë midis të rinjve dhe të vjetërve”. –vijoi golashënuesi më i mirë i Budesligës.

Sulmuesi foli edhe për trajnerin Hansi Flik, detyra e të cilit sipas polakut është jo vetëm të drejtojë skuadrën nga ana taktike dhe teknike, por edhe t’i menaxhojë situatat e problemet në grup.

Lewandowski theksoi faktin se lojtarët e rinj më shumë merren me telefonin sesa merren me stërvitje.

“Të rinjtë e sotëm kanë një edukim ndryshe nga se ç’e kemi pasur ne. Ata vijnë nga akademia, por nuk njohin bazat. Idetë dhe interesat e tyre janë të ndryshme. Një trajner duhet të jetë fleksibël dhe të punojë me gjeneratat. Një teknik i mirë mund ta bëjë këtë gjë. Fakti që lojtarët e rinj e kanë të vështirë ta pranojnë stolin është një tjetër fakt që tregon ndryshimin midis këtij brezi dhe atij të vjetër dhe për Levën kjo nuk ka asnjë dyshim.

Shikoni, tani të gjithë përdorin celularin, duke bërë që komunikimi të jetë vetëm me anë të teknologjisë. Kjo ndikon shumë në marrëdhëniet në dhomat e zhveshjes, pasi lojtarët flasin më ballë përballë. Cila gjeneratë është me e mirë? Nuk mund të them me saktësi, thjesht bota ndryshon shumë shpejt”.-tha Robert Lwandowski./Fjala.al/