Pronarët e telefonave Android janë paralajmëruar për një hajdut të padukshëm që kërcënon llogaritë bankare të këtyre përdoruesve.
Ky aplikacion fshihet në telefonat e tyre, raporton “The Sun”.
“Malware Trojan Bankar”, i njohur si PixPirate ka qenë i fshehur në telefonat Android, duke shkaktuar humbje të parave te personat e prekur.
Ky aplikacion ka arritur të evitojë zbulimin duke mos shfaqur në ekranin e telefonit, duke e bërë të vështirë për pronarët e telefonave që të dallojnë prezencën e tij.
PixPirate ka qenë prezent kryesisht në bankat e Amerikës Latine dhe është zbuluar se përdor dy platforma për të vjedhur informacionin nga pajisjet.
Mashtrim i heshtur
PixPirate ka aftësi për të qenë në gjendje të hyjë në pajisjet në distancë, duke lejuar hakerat të kryejnë veprime të paautorizuara pa dijeninë e pronarit.
Pronarët e telefonave Android janë paralajmëruar që të jenë të kujdesshëm kur instalojnë aplikacione, duke shmangur kështu skedarët e paketës Android (APK) që mund të maskojnë malware-n. Megjithatë, zëdhënësi i Google njoftoi se asnjë aplikacion me këtë virus nuk gjendet në Google Play, dhe që përdoruesit e Android janë mbrojtur nga “Google Play Protect”, i cili mund të paralajmërojë ose të bllokojë aplikacionet që kanë sjellje të dyshimta./O.S
