Tre persona kundërshtuan me dhunë punonjësit e Policisë së Kurbinit, për këtë arsye dhe iu vunë prangat.
Policia arrestoi tre personat gjatë një kontrolli të ushtruar në një lokal në Milot. Arrestimi i tyre u bë pas ndërhyrjes së shërbimeve të tjera që erdhën në ndihmë të punonjësve të policisë.
Në pranga u vunë shtetasit E. L(V)., 25 vjeç, P(E).M., 40 vjeç, N. P.,29 vjeç, të gjithë banues në Milot, Kurbin.
Materialet i kaluan Prokurorisë pranë Gjykatës së Shkallës së Parë Kurbin Parë veprat penale “Kundërshtimi i punonjësit të Policisë”, “Mosbindja ndaj urdhrit të punonjësit të Policisë” dhe “Goditje për shkak të detyrës”. /Fjala.al
