Presidentja e Komisionit Evropian, Ursula von Der Leyen në një konferencë të përbashkët me Kryeministrin e Kroacisë, u shpreh se solidarizohet me situatën që po përjeton Shqipëria pas tërmetit dhe se do të bëjë të pamundurën për hyrjen e saj në negociata.
“Samiti i Zagrebit do të jetë mjaft i rëndësishëm, për të vënë para procesin e zgjerimit. Duhet të reflektojmë si ta përmirësojmë procesin e anëtarësimit. Do të përpiqemi të bëjmë të pamundurën për negociatat me Shqipërinë dhe Maqedoninë e Veriut, që dy vendet të plotësojnë kriteret e duhura për të arritur këtë. Na duhet të prezantojmë një metodologji të re brenda Samitit të Zagrebit.
Do ta bëjmë sa më shpejt të jetë e mundur. Kroacia është vendi i fundit dhe e ka eksperiencën e freskët. Metodologjia e re do të jetë komplekse dhe do ta prezantojmë së shpejti. Do të gjejmë një rrugë për Shqipërinë dhe Maqedoninë që dera për ta të jetë e hapur dhe që të çelim negociatat. Duhet të plotësojnë kriteret të dyja vendet. Jam e sigurt se do të kemi sukses lidhur me këtë.”- tha ajo.
Ajo tha se konferenca për rindërtimin e zonave të prekura nga tërmeti i 26 nëntorit do të mbahet më 17 shkurt.
“Jemi të lumtur që konferenca e donatorëve për Shqipërinë do të mbahet më 17 shkurt, që vjen pas tërmetit të tmerrshëm. Do përpiqemi të ndërtojmë Shqipërinë pas tërmetit, është një mesazh i qartë nga ana jonë sa i përket kësaj çështje.” u shpreh Ursula von der Leyen. /Fjala.al
