Mbrëmjen e sotme është regjistruar një aksident në aksin rrugor Korçë-Pogradec. Nga të dhënat e para mësohet se në aksident janë përfshirë dy makina dhe fatmirësisht nuk ka viktima.
Vetëm një 19 vjeçar është dërguar në spital me plagë të lehta dhe pasi ka marrë mjekim ka dalë prej aty. Përplasja ka qenë aq e fortë sa një nga mjetet doli nga rruga dhe përfundoi në kanal pranë vendit të quajtur Çiflig.
Dy drejtuesit e mjeteve janë shoqëruar në komisariat për zbardhjen e dinamikës së ngjarjes.
Shkak për aksidentin mendohet të ketë qenë shpejtësia e madhe dhe lagështia në rrugë. /Fjala.al
