Presidenti i Greqisë, Prokopis Pavlopoulos deklaroi sot se shteti i tij mbështet kauzën për helenizmin e Shqipërisë.
“Shteti Grek është i gatshëm të mbështesë çdo veprim drejt prosperitetit duke dhënë një mbështetje të përgjithshme për helenizmin e Shqipërisë. Ide të cilën do vazhdojë që ta mbështes pa diskutim edhe në të ardhmen”, theksoi presidenti grek.
Fjalimi i presidentit grek u dërgua në Ambasadën Greke në Tiranë, për 29-vjetorin e krijimit të “DEEMEM-OMONIA”. Ky falim do të lexohet në Tiranë nga ambasadorja greke, Sofia Filippidou.
“Me kalimin e viteve, OMONIA, shpesh në kushte jashtëzakonisht të pafavorshme, ka qenë në gjendje të përfaqësojë në mënyrë të duhur helenizmin e Shqipërisë, duke luftuar për mbrojtjen e të drejtave të tyre të patjetërsueshme themelore”, theksoi Pavlopoulos .
Në të njëjtën kohë, presidenti grek thekson se mbrojtja e të drejtave të pakicave dhe pronave të minoritetit grek është një pjesë integrale e kushteve që vetë BE ka vendosur në Shqipëri në lidhje me kursin e saj evropian.”
Njëkohësisht, Pavlopoulos thekson se “Greqia po shikon nga afër çështjen dhe do të ndërmarrë hapat e duhur për të mbrojtur të drejtat e anëtarëve të minoritetit grek “.
Burimi: Protothema.gr Përshatati: Fjala.al
